كاديلك
منتدى شباب الفروسات يرحب بكم


ايماننا بعراقة قريتنا جعلنا نبحث بقلوبنا عن كل شئ قريب او بعيد له علاقة بالقرية فوجدنا نحن شباب الفروسات بعد بحث عميق ان قرية الفروسات من اعرق القرى المصرية الجديرة بالاحترام والتقدير
 
الرئيسيةالبوابهالتسجيلدخول
شاطر | 
 

 دي نصائح للبنات عن كيفية التعامل مع الخطيب(للبنات فقط)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نور الاسلام
عضو ماسى
عضو ماسى


الجنس: انثى
العقرب عدد المساهمات: 215
تاريخ التسجيل: 01/09/2009
العمل/الترفيه: موظفه

مُساهمةموضوع: دي نصائح للبنات عن كيفية التعامل مع الخطيب(للبنات فقط)   السبت أغسطس 07, 2010 1:10 pm

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه

الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه
الشوووربة.. أبوس ايدك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة...
الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه...

المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود...
السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة

بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك...

الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت...

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ..لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي....

الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....

ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة.. أنا أودامي أسبوع.. هابطل أكل فيه...

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي ...
وبالهنا والشفااااااااااااا
الرجوع الى أعلى الصفحة اذهب الى الأسفل
الاميره
عضو نشيط
عضو نشيط


الجنس: انثى
القوس عدد المساهمات: 43
تاريخ التسجيل: 24/07/2010
العمل/الترفيه: طالبه

مُساهمةموضوع: رد: دي نصائح للبنات عن كيفية التعامل مع الخطيب(للبنات فقط)   الأحد أغسطس 08, 2010 12:49 am

هههههههههههههههههههههه روعه يا نور
مشكورررررررررررررررررررررررررر
علي الموضوع الطريف
الرجوع الى أعلى الصفحة اذهب الى الأسفل
محمد نسيم
عضو ماسى
عضو ماسى


الجنس: ذكر
الميزان عدد المساهمات: 684
تاريخ التسجيل: 05/01/2010
العمل/الترفيه: الكتابه

مُساهمةموضوع: رد: دي نصائح للبنات عن كيفية التعامل مع الخطيب(للبنات فقط)   الأحد مارس 13, 2011 11:41 am

هههههههههههههههههههههههههههههههههههاااااااااااااااااااب

طيب مكانوا يدبوها فول من الاول بدل المصريف الكتيره حتي يوفروا هههههه

علشان يتزوجوا سريعا مرش

أهي النوكته دي فكرتني بقصه حقيقيه حدثة في السعوديه

واحد في ليلة الدخله جاب لعروسته تمر وفضل يحطلها في بوقها وهيه محروجه انها ترمي النوى قدامه فتبلع التمره بالنوي

وفي الاخر راحة المستشفي ههههههههه
الرجوع الى أعلى الصفحة اذهب الى الأسفل
 

دي نصائح للبنات عن كيفية التعامل مع الخطيب(للبنات فقط)

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
»  لعبة الحظ للبنات في الحب
» تفصيل وخياطة تنانير للبنات الصغيرات
» أسماء أمازيغية نعتز بها للبنات والاولاد
»  نصائح و حكم
» نصائح اليوم وكل يوم

صلاحيات هذا المنتدى:لاتستطيع الرد على المواضيع في هذا المنتدى
كاديلك ::  :: -