كاديلك
منتدى شباب الفروسات يرحب بكم
كاديلك
منتدى شباب الفروسات يرحب بكم
كاديلك
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


ايماننا بعراقة قريتنا جعلنا نبحث بقلوبنا عن كل شئ قريب او بعيد له علاقة بالقرية فوجدنا نحن شباب الفروسات بعد بحث عميق ان قرية الفروسات من اعرق القرى المصرية الجديرة بالاحترام والتقدير
 
الرئيسيةالبوابهأحدث الصورالتسجيلدخول

 

 التعديلات الدستورية ببساطة (خليك ايجابى المشاركة واجب قومى ) نسيم @ الفروسات

اذهب الى الأسفل 
كاتب الموضوعرسالة
محمد نسيم
عضو ماسى
عضو ماسى
محمد نسيم


الجنس : ذكر
الميزان عدد المساهمات : 684
تاريخ التسجيل : 05/01/2010
العمل/الترفيه : الكتابه

التعديلات الدستورية ببساطة (خليك ايجابى المشاركة واجب قومى )  نسيم @ الفروسات Empty
مُساهمةموضوع: التعديلات الدستورية ببساطة (خليك ايجابى المشاركة واجب قومى ) نسيم @ الفروسات   التعديلات الدستورية ببساطة (خليك ايجابى المشاركة واجب قومى )  نسيم @ الفروسات Emptyالثلاثاء مارس 15, 2011 9:31 pm




التعديلات الدستورية ببساطة (خليك ايجابى المشاركة واجب قومى )  نسيم @ الفروسات Clip_image003








التعديلات الدستوريه ببساطه (قول
نعم او تقول لاء او ما تقولش خالص ده اختيارك بس المهم تبقى فاهم) اقرا وانشر



بسم الله الرحمن الرحيم

دوشه كتيره اوى وخلافات ونقاشات
وشد وجذب بيدوروا حوالين موضوع التعديلات الدستوريه

خلونا بس قبل ما نتكلم
فى موضوع التعديلات نتفق على 4 نقط مهمه جدا جدا


النقطه الأولى : موضوع التعديلات ده موضوع
واسع وكبير واختلف فيه فقهاء دستورين وكتاب ومفكرين
كبار وكل

واحد ادلى فيه برأيه وبالتالى فكلامى النهارده قد يحمل
الصواب وبرضو قد يحمل الخطأ وطالما بنتكلم فى موضوع

خلافى فكل الاراء
وكل الافكار مطروحه وما تقدرش انت تقولى كلامك غلط ولا انا اقدر اقولك انت مش
عارف حاجه

(من الاخر كل واحد ربنا اداله عقل يفكر بيه فى الكلام ويتخذ
على اساسه القرار )


النقطه التانيه : استفذتنى عناوين كتيره
اوى فى موضوع التعديلات .... العناوين دى هى عناوين موجهه بتبدأ اما

بكلمة صوت بنعم فى التعديلات الدستوريه او صوت بلا فى
التعديلات الدستوريه

سبب الإستفزاز هو انى باحاول الغى عقلك واقولك اعمل كذا وكأنى
انا الصح وغيرى غلط وكأنك لو قلت عكس ما انا

باقلك فده معناه انك
ارتكبت جريمه كبرى رغم ان الموضوع فى النهايه لا يعدو موضوع اجتهادات شخصيه وفى

النهايه الخير فقط لا يعلمه إلا الله

النقطه التالته: انت قدامك 3 اختيارات مش اختيارين
على فكره

قدامك تروح وتقول نعم فى حالة
اقتناعك بالتعديلات

قدامك تروح وتقول لاء فى حالة عدم اقتناعك بالتعديلات

قدامك تروح وتبطل صوتك فى حالة عدم وصولك لقرار مناسب وسليم
يرضيك ويرضى عقلك

على فكره فى ال 3 حالات انت شخص ايجابى وفى ال3
حالات انت عملت اللى عليك واديت واجبك ورضيت ضميرك


النقطه الرابعه : اسمحولى فى اخر المقال
فقط انى اقول وجهة نظرى واللى بتعبر عنى انا مش عنكم
واللى مش

باحاول بيها افرض وجهة نظرى ولكنها مجرد رأى بسيط ليا انا
اخترته بعد تفكير

خلونا نبدأ نخش فى صلب الموضوع وهو التعديلات الدستوريه
وايه اللى حاصل فيها

بدايه عشان نقدر نحكم على التعديلات لازم نبقى
عارفين ايه هى اهم التعديلات اللى حصلت وهى كالتالى

1- التعديلات خففت
جدا من شروط الترشح لرئاسة الجمهوريه وبالتالى فده حيسمح اننا يبقى عندنا قاعده
عريضه

وكبيرة من المرشحين للرياسه وبالتالى حتقدر تفكر كتير وتسمع
لكل مرشح وتعرف ان كان يصلح لمصر ولا لاء

ويبقى قدامك انك تختار
الأصلح ... (طبعا ده عكس الأول لإن قبل التعديلات كانت الشروط صعبه جدا جدا وما
يقدرش

عليها إلا ناس بعينهم وبالتالى كنت حتبقى مضطر انك
تختار بين اشخاص احسنهم وافضلهم سىء جدا)

2- التعديلات حددت حكم رئيس الجمهوريه
ب 4 سنين بس قابله للتجديد مره واحده بس وده يخلى فيه تداول للسلطه

وعدم احتكار ليها وفى نفس الوقت يخلى كل ريس يفكر الف
مره قبل ما يختار انه يبقى فاسد (طبعا فى
الأول كانت 6

سنين مفتوحه حتى بعد ما يموت
المرشح التعديلات الدستورية ببساطة (خليك ايجابى المشاركة واجب قومى )  نسيم @ الفروسات Clip_image004)

3-التعديلات رجعت تانى الأشراف القضائى
الكامل على الإنتخابات (والبند ده لو تفتكروا هو اللى خلى الاخوان

المسلمين ياخدوا 88 كرسى فى انتخابات 2005 اما كان فيه
اشراف قضائى وهو اللى خلاهم برضو ما ياخدوش ولا

كرسى فى انتخابات 2010 اللى اتلغى
فيه الإشراف القضائى وشابته حالات تزوير كتير )

4- التعديلات الجديده
بنسبه كبيره نقدر نقول انها لغت قانون الطوارىء وبدل ما كان القانون مطبق طول
العمر

حجمته جدا وخلت فيه شرطين عشان يطبق قانون الطوارىء

الشرط الأول( انه يتعمل بيه بعد عمل استفتاء شعبى )

الشرط الثانى (انه يتم العمل به 6 شهور فقط بعد
الاستفتاء )

طبعا ده تقدم كبير جدا جدا لتحجيم قانون كان بيعتبر سيف
مسلط على رقبة اى مصرى فى اى وقت وبسبب او
بدون سبب

5-التعديلات الجديده بتلزم مجلس
الشعب اللى جاى انه يعمل لجنة دستوريه مكونه من 100 شخص مهمتهم هى وضع

دستور جديد للبلاد بدلا من الدستور اللى احنا ماشيين
بيه حاليا

دى كانت اهم التعديلات الدستوريه اللى تم تعديلها ضمن
التعديلات الاخيره ويمكن اغلبنا او معظمنا
كان بيحلم بتعديل

واحد من دول عشان يبقى عندنا
حريه وديموقراطيه فى بلدنا

ويمكن الخلاف كله مش على التعديلات لكن الخلاف
بين النخبه وبين الدستورين على ما بعد التعديلات ومن باب انكم

عارفين رؤيه كل الاطراف خلونا نقول وجهة نظر كل طرف
ونقول اللى بيقول نعم وجهة نظرة ايه واللى بيقول لاء
وجهة نظره ايه
وبعدها اعتقد ان كل واحد حيبقى
عنده وجهة نظر متكونه يقدر بيها يختار على اساس واضح وسليم

اولا : وجهة نظر من يقول (نعم للتعديلات
الدستوريه)

اللى بيقول نعم للتعديلات
الدستوريه استند فى وجهة نظره على مجموعه من النقاط وهى

1- ان التعديلات اللى تمت كافيه جدا لوجود بعض الاستقرار
اللى حيتح عمل انتخابات برلمانيه ورئاسيه
تخلينا نبدأ

بعدها فى وضع دستور جديد للبلاد
فى ظل حالة من الاستقرار


2- الخوف من ان يؤدى القول بلا على
التعديلات إلى الرجوع مره اخرى الى العمل بالدستور القديم خصوصا وان

مفيش بند يلزم القوات المسلحه بعمل دستور جديد فى حالة
التصويت عدم رضا الشعب على التعديلات


3- الخوف من ان يؤدى التخبط وعدم الاتفاق
على رأى واحد فى موضوع الدستور الى ان تمتد فترة وجود القوات

المسلحه على الارض مما يضع احتماليه ولو بنسبه بسيطه ان
يعود الحكم عسكريا مره اخرى من خلال فرض
القوات
المسلحه سيطرتها على الحكم فى مصر

4-فيه ناس كتيره بر ضو خايفه ان محاولة البعض فى وضع
دستور جديد للبلاد يتم فيه التعرض للمادة
التانيه من

الدستور الخاصه بإن الاسلام
هو الدين الرسمى للدوله

التعرض للماده دى فى ظل الظروف الحاليه
ممكن يعمل مشاكل وبلاوى لا حصر لها

حد يسال ويقول وهى اصلا الماده
دى معرضه للنقاش ؟

اقولك فى ظل وجود اصوات كتيره بتنادى بحاجات
كتيره تخص هذه الماده فانت ممكن تتوقع اى حاجه واى حاجه دى

ممكن تؤدى لكوارث تضيع مصر كلها وبالتالى فالناس
المؤيده لنعم بتقول ان الدستور والتعديلات بما فيه فى
الوقت ده

افضل بكتير من اننا نبدا فى عمل
دستور جديد يبقى فيه ماده واحده فقط ممكن تشعل نار لا تنطفأ خصوصا فى وجود

ثوره مضاده تنطلق وبقوه

بعض من قال نعم للتعديلات الدستوريه
1- الاخوان المسلمين
2-الكاتب المعروف وائل قنديل
3- الكاتب معتز بالله عبد الفتاح
4- القيادى البارز فى جماعة الاخوان
د/ عصام العريان
5- عبود الزمر

ثانيا : وجهة نظر من
سيقول (لا للتعديلات الدستوريه)

برضو الى بيقول لاء للتعديلات الدستوريه
ثستند فى كلامه على بعض النقاط كالتالى

1- هم يرون ان الثوره
اسقطت شريعة الدستور القديم وبالتالى فالتعديلات على دستور ساقط يعتبر امر باطل
وغير

منطقى وخصوصا ان الدستور اللى احنا شغالين بيه لحد
دلوقتى اتعدل اكتر من مره وبقى دستور مرقع
لا يصلح ان تحكم به مصر ولو ليوم واحد

2- هما شايفين ان التعديلات الجديده بشكلها الحالى مش
ملزمه لرئيس الجمهوريه الجديد ولا لمجلس الشعب
بإنه

يعمل دستور جديد وبالتالى فممكن
جدا ان الرئيس الجديد يبقى فرعون جديد يعيش مصر فى جحيم

خصوصا ان فيه نقطه فى الدستور القديم
بتقول ان عشان يبقى فيه لجنه لعمل دستور جديد لازم يتقدم
50% من

اعضاء مجلس الشعب والشورى بطلب لعمل دشتور جديد وبالتالى
لو مفيش 50 % يبقى ممكن نفضل عايشين فى ظل

الدستور المعدل وده
احتمال موجود وقائم خصوصا فى حالة ان انتخابات مجلش الشعب اللى جايه حصل فيها اى
تزوير او غيره

3- هما شايفين ان التعديلات اللى تمت سابت برضو لرئيس
الجمهوريه سلطات واسعه وصلاحيات كبيره تخلي فى وسطنا مبارك تانى لكن بإسم جديد
فقط لا غير

4- فيه ناس كتير من اللى رفضت التعديلات دى وقررت انها
تقول لاء بدأت تفصل فى عيوب وسلبيات هذه التعديلات

وده لإعتقادهم ان ما بعد التعديلات
اللى حتحصل دى ممكن جدا ما يبقاش فيه دستور جديد لأسباب
كتيره منها اللى

شرحناه فى النقط اللى فاتت ومنها اللى موجود فى
الدستور القديم وبصراحه انا ما رضيتش اجيبلكم كلام كتير
وحشو مالوش لزمه
بدل ما يبسط الموضوع يعده


بعض من قال لا للتعديلات الدستوريه
1-د / محمد البرادعى المرشح لرئاسه الجمهوريه
2- د / عمرو موسى المشرح لرئاسه الجمهوريه
3- المستشار هشام البسطويسى المرشح لرئاسة
الجمهوريه
4- د / عمرو حمزاوىالكاتب المعروف
5- علاء الاسوانى الكاتب المعروف
6- د/ صفوت حجازى

يعنى دى كلمات بسيطه
حاولت بيها انى اعرض عليكم وجهات نظر من يقول نعم ومن يقول لا وحاولت برضو فيها

انى اجيبلكم نماذج قالت نعم ونماذج قالت لا ولو لاحظتم
حتلاقوا ان هنا فيه ناس محترمه وهنا برضو فيه ناس
محترمه

ولو حد فيكم فتح جوجل وكتب نعم للتعديلات
الدستوريه حيلاقى كمية صفحات لا حصر لها بتفند وبتقول ليه حنقول

نعم للتعديلات تخليك تقتنع تماما وفى نفس ذات اللحظه لو
انت كتبت لا للتعديلات الدستوريه حتلاقى برضو
كمية

صفحات لا حصر لها لكتاب ومثقفين ودستورين
بيقولوا لا للتعديلات الدستوريه بطريقه تخليك تقتنع تماما بانه لاء

للتعديلات إذن الموضوع مفتوح بدون تعصب وبدون رفض للاخر
لمجرد انه معارض لوجهة نظرى ودى ثقافة جديده

لازم نزرعها جوانا ونتعامل بيها وعلى اساسها فى حياتنا
القادمه

فى النهايه تبقى كلمه
انا شخصيا اخترت وعرفت انا
حاقول ايه يوم 19 بس

انا حاقول (نعم) بس الاول اعرف انا قلت كده ليه

1- بصراحه فى سط الكلام الكتير والزخم الكبير والاختلاف
الواسع والكلمات والمصطلحات المكلكعه
لقيتنى سايب ده

كله ورايح فى اتجاه تانى
خالص رايح لربنا باسأله يارب ايه الصح وايه الغلط وايه اللى المفروض نعمله

وبدون تعب ولا مجهود لقيت الاجابه تتوارد سريعا الى
ذهنى
لقيت قدام عينى كلام ربنا فى حديثه القدسى (انا عند ظن
عبدى بى فليظن بى ما شاء الله )

ولقيت كلام رسولنا الكريم وهو بيقول فى الحديدث (تفائلوا
بالخير تجدوه)
ولقيت كلام ربنا وهو بيقول ( انا لا نضيع اجر من احسن
عملا )

لقيت ده كله بيتبادر قدام عينيا فادركت ان ربنا اللى وفقنا
لكل اللى حصل ولكل الانجازات اللى عملناها فى شهر واحد

والله والله عمره ما حيضيعنا فيما هو
قادم ابدا ابدا وان شاء الله حينصرنا وحيعزنا وحيوفقنا
لكل خير

2-انا قلت نعم لإنى متفائل جدا جدا وعندى امل كبير ان
الماضى عمره ما حيعود وان التعديلات دى ما هى الا لمده

بسيطه بعدها حنتنقل لمرحله جديده من عمر
مصر
مرحله جديده بشرعيه جديد ودستور جديد
.... اللى قالوا لاء متشائمين جدا من ان المستقبل مش حيكون زى ما هما

عاوزين بس انا قلت نعم لإنى معايا من كلام ربنا وكلام
رسوله اللى يخلينى اثق ان القادم اجمل واحسن


3- انا عندى نقطه واحده بس تخلينى
اقول نعم جدا وهى الفتنه الكبيره والقلق الكبير وعدم الاستقرار اللى ممكن

يحصل لو قلنا لاء وتم عمل دستور جديد فى الفتره الحاليه
.... دستور جديد شئنا ام ابينا حيتعرض للماده
التانيه

وحيعمل عليها جدال كبير بين
نشبه كبيره مؤيده لبقائها ونسبه قليله ترفض بقائها وتطالب بتعديلها

بس النسبة القليله دى ممكن تدخلنا فى كوارث لا يعلم
مدااها الا الله فى وقت احنا احوج فيه للإستقرار
واعاده ترتيب

الاوضاع من جديد

4- اخر حاجه خلتنى اقول نعم هى انى مهما حاتوقع عمرى ما
حاتوقع انه يجى نظام فاسد برئيس فاسد تانى زى
نظام

مبارك وفى نفس الوقت كل من ترشح
للراسه رفض التعديلات وده معناه انهم حيبقوا اول ناس مؤيده وفورا لعمل

دستور جديد
يبقى احنا عدينا الفتره الحرجه اللى بتمر بيها
مصر وجه رئيس جديد كان اصلا رافض للتعديلات دى ونفسه يشوف

مصر جميله ويبقدر يعدى بيها لبر الامان
ويكون هو اول المطالبين لعمل دستور جديد

يعنى وجهة نظرى فيها شوية امل وتفاؤل بس والله ده اللى
انا حاسه وشايفه بعد كل ما قرأت وبد كل
التحليلات اللى شفتها قدام عينى

اتمنى انى اكون وضحت ليكم نوعا ما ايه
اللى بيحصل فى موضوع التعديلات واكون جبت ليكم وجهان
نظر مختلفه

تساهم فى ان كل واحد يكون رأى نابع منه ومن عقله اللى
لازم يده فرصه للتفكير والتحليل

دلوقتى بقى اقبل او ارفض او حتى
ابطل صوتك مش مهم

المهم تكون مقتنع ان ده اللى فيه مصلحه مصر ونهضه
مصر حتى لو طلع كلامك فيما بعض غلط فبنا برضو حيديك

ثوابك وحسناتك انك كننت ايجابى وشاركت
وما كنتش سلبى وقعدت فى بيتك

عاشت مصر عظيمه وعاش شعبها رائعا
ومناضلا وعاشت ثورتنا بيضاء
تحيا مصر التعديلات الدستورية ببساطة (خليك ايجابى المشاركة واجب قومى )  نسيم @ الفروسات Clip_image004

منقووووووووووول للافادة





_________________
التعديلات الدستورية ببساطة (خليك ايجابى المشاركة واجب قومى )  نسيم @ الفروسات 334oxw10
الرجوع الى أعلى الصفحة اذهب الى الأسفل
محمد نسيم
عضو ماسى
عضو ماسى
محمد نسيم


الجنس : ذكر
الميزان عدد المساهمات : 684
تاريخ التسجيل : 05/01/2010
العمل/الترفيه : الكتابه

التعديلات الدستورية ببساطة (خليك ايجابى المشاركة واجب قومى )  نسيم @ الفروسات Empty
مُساهمةموضوع: رد: التعديلات الدستورية ببساطة (خليك ايجابى المشاركة واجب قومى ) نسيم @ الفروسات   التعديلات الدستورية ببساطة (خليك ايجابى المشاركة واجب قومى )  نسيم @ الفروسات Emptyالثلاثاء مارس 15, 2011 10:12 pm

أكدت اللجنة القضائية العليا المشرفة على التعديلات الدستورية في مصر إجراء الاستفتاء على هذه التعديلات في موعده المقرر السبت القادم.

وقالت اللجنة إن الجيش سيشارك في عملية تأمين الاستفتاء، وألمحت إلى أن التصويت برفض التعديلات سيدخل البلاد في "فراغ تشريعي مقلق".
وقال رئيس اللجنة المستشار محمد عطية في مؤتمر صحفي، إن محكمة القضاء الإداري التي تنظر الثلاثاء دعوى أقامها محامون لوقف الاستفتاء باعتباره ترسيخا لدستور فاسد، "ليست معنية بالفصل في الأمر".

وحذر عطية من الحملات الداعية إلى رفض التعديلات المطروحة، وقال "إذا انتهينا (في الاستفتاء) إلى رفض التعديلات المقترحة، فستواجه البلاد فراغا تشريعيا لا يملؤه سوى قرارات القوات المسلحة".

وأضاف أن "قرار الاستفتاء ليس إداريا حتى تنظره المحكمة"، داعيا إلى مشاركة جماهيرية واسعة في الاستفتاء وعدم مقاطعته.

وأكد أنه سيُسمح لجميع المنظمات الحقوقية والمؤسسات الإعلامية المصرية بمتابعة سير عملية التصويت ودخول المقار الفرعية وعددها نحو 54 ألف لجنة.

وأوضح عطية أن الاستفتاء سيكون على المواد المعدلة مجتمعة لصعوبة فرز التصويت على كل مادة على حدة.

وتابع قائلا: إن 45 مليون مصري يحق لهم التصويت في هذا الاستفتاء، الذي قال إن فئات لن تشارك فيه وفقا للقانون، وهم أفراد القوات المسلحة وهيئات الشرطة، ومن صدرت ضدهم أحكام قضائية مخلة بالشرف أو نصب أو خيانة أمانة أو اختلاس.

وأضاف أنه يأمل أن يكون الاستفتاء نموذجا يقدم به الشعب المصري نفسه لكل شعوب العالم وكل الدول الديمقراطية، مثلما حدث في 25 يناير من نموذج لثورة أبهرت العالم كله.

وردا على المخاوف من انتخاب رئيس وبرلمان جديد وفق الدستور القديم الذي ترفضه غالبية القوى السياسية، قال إن مصر تمر بمرحلة انتقالية، والضرورة وحدها هي التي تفرض هذه التعديلات المؤقتة.

واستطرد قائلا إنه وفقا للتعديلات نفسها، فإن الرئيس والبرلمان القادمين ملزمان بصياغة دستور جديد والاستفتاء عليه خلال عام.

وكشف عطية عن مشاركة القوات المسلحة بنحو 28 ألف عنصر إلى جانب الشرطة في تأمين المقرات الانتخابية، وتطبيق "قانون البلطجة" المشدد على كل من يعرقل أو يروع المواطنين خلال يوم الاستفتاء، موضحا أن المواطنين سيصوتون في أقرب مقر لهم دون التقيد بمحل الإقامة.

وأشار إلى أن اللجنة ناقشت المطالبات بإشراك المصريين المغتربين في الخارج (وعددهم نحو 7 ملايين) في الاستفتاء عبر السفارات والقنصليات، لكنها (اللجنة) انتهت إلى أن الإطار التشريعي الحالي (لا يسمح بهذا الأمر).
الرجوع الى أعلى الصفحة اذهب الى الأسفل
 
التعديلات الدستورية ببساطة (خليك ايجابى المشاركة واجب قومى ) نسيم @ الفروسات
الرجوع الى أعلى الصفحة 
صفحة 1 من اصل 1
 مواضيع مماثلة
-
» التعديلات الدستورية.. ماذا لو قلنا: "نعم" وماذا لو قلنا: "لا"؟ نسيم @ الفروسات
»  يار اجل خليك راجل ... (إسترجل) نسيم @ الفروسات
» عرض للنصوص الدستورية التي تم تعديلها والتي سيجري الاستفتاء على تعديلاتها نسيم @ الفروسات
» معلومة علمية رائعة ( خاص بمنتدي الفروسات) نسيم @ الفروسات
» فكر قبل أن تتكلم نسيم @ الفروسات

صلاحيات هذا المنتدى:لاتستطيع الرد على المواضيع في هذا المنتدى
كاديلك :: ~*¤ô§ô¤*~ قـــســـــم العــــــــام ~*¤ô§ô¤*~ :: المواضيــــــــــع العـــــــــامه-
انتقل الى: